ധനുഷ്, സായി പല്ലവി എന്നിവർ പ്രധാനകഥാപാത്രങ്ങളെ അവതരിപ്പിച്ച മാരി 2വിലെ റൗഡി ബേബി എന്നുതുടങ്ങുന്ന ഗാനം കോളിവുഡിൽ ഏറെ ശ്രദ്ധിക്കപ്പെട്ട പാട്ടാണ്. ഈ പാട്ടിന്‍റെ മേക്കിംഗ് വീഡിയോ അണിയറ പ്രവർത്തകർ ഇപ്പോൾ പുറത്തുവിട്ടിരിക്കുകയാണ്.
ചിത്രത്തിലെ നായിക സായ് പല്ലവി, സംവിധായകൻ ബാലാജി മോഹൻ എന്നിവരുടെ ഗാനത്തെക്കുറിച്ചുള്ള വിവരണവും വീഡിയോയിലുണ്ട്. പാട്ടുകേട്ടപ്പോൾ ഇഷ്ടമായി. എന്നാൽ കോറിയോഗ്രഫി പ്രഭുദേവയാണെന്ന് കേട്ടപ്പോൾ ഭയന്നെന്നും സായ് പല്ലവി പറയുന്നു.
ധനുഷിനുവേണ്ടി നൃത്തസംവിധാനം ചെയ്യണമെന്ന് പറഞ്ഞപ്പോൾ പ്രഭുദേവ സന്തോഷത്തോടെ മുന്നോട്ടുവന്നെന്ന് സംവിധായകനും വീഡിയോയിൽ പറയുന്നുണ്ട്. മാർച്ച് ഒന്നിന് പുറത്തുവിട്ട വീഡിയോ ഇപ്പോൾ സാമൂഹിക മാധ്യമങ്ങളിൽ ട്രെൻഡ് ആവുകയാണ്. ടോവിനോ തോമസ്, വരലക്ഷ്മി ശരത് കുമാർ തുടങ്ങിയവരും ചിത്രത്തിൽ പ്രധാനവേഷത്തിൽ അഭിനയിച്ചിട്ടുണ്ട്.
